टर्निंग पॉइंट

संथ, साथीच्या प्रवासात

टर्निंग पॉइंट होता वजा

जीवनात एकाकी चालण्याची

होती दुर्दैवी सजा ||१||

वळणावर मी होते वाट चुकले,

मम साथीस मी कायमची मुकले,

जाणले तेव्हा वेळ होती
टळलेली,

बऱ्याच दुर्दैवी जीवांनी वाट होती मळलेली|२|

मी पण चरफडत,

त्यांच्या सारखीच धडपडत,

अर्धवट एकाकी प्रवास,

चालले आहे तडपडत||३||

थकले मन अन् आंबले तन,

न संपणारी वणवण,

कोण आपले? कोण दुजे?

कशाची ना मज जाण || ४||

एकाकी पणाचा अंत नाही,

संपेना संथपणा; दिसेना काही,

का चालतोय? का धपडतोय?

याला काही उत्तर नाही||५||

अचानक हुशारी आली,

झापड ग्लानी विरून गेली,

डोळे उघडून पाहिले तर….,

सर्व सृष्टी आनंदमय || ६ ||

अचानक पुन्हा टर्निंग पॉइंट

चिन्ह मात्र होते बाकी,

प्रिय माझ्या साथी सोबत,

मी पण आता सदैव सुखी ||७||

————————————————————————